Xəbərlər

          Bakı Ali Neft Məktəbinin (BANM) rektoru cənab Elmar Qasımov BANM-in Neft-Qaz Mühəndisliyi ixtisasının 2-ci və 3-cü kurs tələbələrilə görüş keçirib. Görüşdə tələbələrin bundan əvvəlki semestrlərdə əldə etdikləri uğurları və qarşıda duran perspektivləri müzakirə olunub.

 

          BANM-in ötən illərdəki uğurlu məzunları da görüş zamanı tələbələrə motivasiya xarakterli təqdimat edib. Neft-Qaz Mühəndisliyinin məzunu, hazırda “Azneft” İB-də quyuların əsaslı təmiri üzrə qazmaçı vəzifəsində çalışan  Mustafa Əsgərov görüşdə böyük həvəslə çıxış edərək tələbələrə öz tələbəlik həyatından, əldə etdiyi uğurlardan və BANM-in onun üçün yaratdığı karyera imkanları və dəstəkdən danışıb, həmçinin tələbələrə öz məsləhətlərini verib. Görüşdə eyni zamanda Neft-Qaz Mühəndisliyinin keçən ilki daha bir məzunu, hazırda Ali Məktəbin eyni ixtisası üzrə magistr dərəcəsi üzrə təhsil  alan və BANM-in əməkdaşı olan Aidə Soltanova da tələbələrə qarşıya qoyulan məqsədə çatmaq üçün görüləcək işlər və motivasiya üzrə  öz tövsiyyələrini verərək  onları daha da ruhlandırıb.

 

          Sonda cənab  rektor tələbələrə yeni semestrdə uğurlar arzulayaraq onları daha aktiv olmağa çağırıb.