Xəbərlər

          Bakı Ali Neft Məktəbinin (BANM) tərəfdaşı olan Böyük Britaniyanın Heriot-Vatt Universitetinin rəsmi saytı Ali Məktəbdə keçirilən ilk “Məzun Günü”nə həsr olunmuş xəbərlər dərc edib. «Bakı Ali Neft Məktəbinin və Heriot-Vatt Universitetinin ilk məzunları” adlı məqalədə xüsusilə qeyd olunur ki, yeni açılmış kampusunda keçirilən tədbirdə transmilli neft-qaz şirkətlərinin rəsmiləri və müəssisələrinin rəhbərləri, xarici  şirkətlərin nümayəndələri, Ali Məktəbin professor-müəllim heyəti, məzunlar və valideynlər iştirak edib.

 

           Heriot-Vatt Universitetinin rəsmi saytinda deyilir: “Universitetimizlə Bakı Ali Neft Məktəbi arasında 2013-cü ildə qurulmuş sıx tərəfdaşlıq münasibətləri davam edir. BANM-də Heriot-Vatt Universitetinin tədris proqramları tətbiq olunub və bunun nəticəsi olaraq məzunlara hər iki təhsil müəssisənin diplomu verilir. 2017-ci ildən başlayaraq bu kimi beynəlxalq əməkdaşlıq layihəsi çərçivəsində həmçinin magistratura pilləsinə qəbul aparılmağa başlanıb”.

 

            Heriot-Vatt Universitetinin professorları və əməkdaşları Bakı Ali Neft Məktəbinin məzunlarını təbrik edərək, onlara gələcək karyeralarında uğurlar arzulayıblar.

 

              Məqalənin tam mətninə aşağıdakı linkdən daxil olmaq mümkündür: https://www.hw.ac.uk/about/news/first-cohort-of-heriot-watt-graduates-at.htm