Xəbərlər

          SOCAR Türkiyə Enerji A.Ş. şirkətinin baş direktoru Zaur Qəhrəmanov Bakı Ali Ali Neft Məktəbinin rektoru Elmar Qasımova ali məktəbin tələbələrinin SOCAR Türkiyə müəssisələrində təcrübə keçmək hüququ qazanması və işlə təmin olunması münasibətilə məktub ünvanlayıb və qiymətləndirilmə nəticəsində uğur qazanan tələbə və məzunların siyahısını təqdim edib.

 

          "Hörməli Elmar müəllim!

 

          Azərbaycan və Türkiyə Respublikaları üçün böyük əhəmiyyət kəsb edən “istedad kəməri” layihəsinin qurulmasında göstəridiyiniz bütün səylərinizə və əməkdaşlığınıza görə sizə öz dərin təşəkkürümüzü bildiririk. Azərbaycan mühəndislərinin yeni nəslin tarixi emal zavodunun inşasına şahidlik etməsi və onun bir hissəsi olmaq imkanına malik olması bizi çox sevindirir.

 

          Qeyd etmək istərdik ki, rəhbərlik etdiyiniz tədris ocağının tələbələri çox yüksək ixtisaslı kadrlar olaraq yetişdirilməkdədirlər. Bu səbəbdən bizim üçün bu seçim prosesini aparmaq sözün əsl mənasında, həqiqətən də, çox çətin və maraqlı olmuşdur. Yeni və yüksək potensiallı mühəndislərin hazırlanmasında Sizə və universitetinizin müəllim heyətinə öz dərin təşəkkürümüzü bildiririk.

 

           SOCAR Türkiyə şirkətində təcrübə proqramına qoşulmaq məqsədilə Bakı Ali Neft Məktəbində 2017-ci ilin may ayında keçirilən intensiv qiymətləndirmədən sonra təcrübə proqramında iştirak etmək hüququ qazanmış tələbələrin siyahısını Sizə təqdim etmək istərdik.

 

            Nəzərinizə çatdırırıq ki, qeyd olunan tələbələr SOCAR Türkiyə şirkətində 2 ay ərzində yay təcrübə proqramının iştirakçıları olacaqlar.

 

             Qiymətləndirmə nəticəsində uğur qazanan tələbələrin siyahısını qoşmada diqqətinizə çatdırırıq."

 

• Aida Soltanova – SOCAR Türkiyə
• Ruqiyyə İsrafilova – SOCAR Türkiyə
• Əhməd Əhmədov – Petkim
• Fərid Əliyev – Petkim
• Gülnar Sadıqova – Petkim
• İftixar Hüseynov – Petkim
• İbrahim Şərifov – Petkim
• Jalə Hacıyeva – Petkim
• Cəmil İsmayılzadə - Petkim
• Şamama Qurbanova – STAR
• Ləman Sadıqlı – Petkim
• Nərmin Abdullazadə - Petkim
• Rauf Mahmudzadə - Petkim
• Sahib Abdullayev – Petkim
• Samir Səlimli – Petkim
• Azər Tapdıqzadə - Petkim
• Səidə Ələsgərova – Petkim
• Vüsal Quliyev – Petkim
• Fərid Məmmədov – STAR
• Nəzrin Dolxanova – STAR