Xəbərlər

          İslam Ölkələri Təhsil, Elm və Mədəniyyət Təşkilatının (ISESCO) rəsmi saytı ISESCO-nun baş direktoru və İslam Dünyası Universitetləri Federasiyasının (FUIW) baş katibi Əbdüləziz bin Osman əl-Tüveycri Bakı Ali Neft Məktəbinin (BANM) yeni açılmış kampusuna səfəri və Ali Məktəbin rektoru Elmar Qasımovla görüşə həsr olunmuş xəbərlər dərc edib. “ISESCO-nun baş direktoru Bakı Ali Neft Məktəbində oldu” adlı məqalədə xüsusilə qeyd olunur:

 

          “İslam Ölkələri Təhsil, Elm və Mədəniyyət Təşkilatının baş direktoru, İslam Dünyası Universitetləri Federasiyasının (FUIW) baş katibi Əbdüləziz bin Osman əl-Tüveycri Azərbaycanın paytaxtında Bakı şəhərində Bakı Ali Neft Məktəbini ziyarət etmişdir. BANM-in rektoru Elmar Qasımov doktor Əbdüləziz bin Osman əl-Tüveycrini qəbul etmişdir. Səfər zamanı qonaq ali məktəbin yeni təhsil kompleksi ilə tanış olmuş və ali məktəbin müəllim, işçi və tələbə heyəti ilə görüş keçirmişdir. Qonaq onların qarşısında nitqlə çıxış etmişdir”.

 

          Qeyd etmək lazımdır ki, 2014-cü ildə BANM və İslam Dünyası Universitetləri Federasiyası (FUIW) anlaşma memorandumu imzalamışdırlar.