Xəbərlər

          İndoneziya hökuməti və İndoneziya Respublikası Araşdırmalar, Texnologiya və Ali Təhsil Nazirliyi İndoneziyada magistratura səviyyəsində təhsil almaq arzusunda olan xarici tələbələr üçün Təqaüd Proqramı təklif edir. 2017-ci il üçün magistr dərəcəsinə 135 təqaüd yeri təklif olunur. Namizədlər bu proqramda iştirak edən 16 universitetdən birində təhsil almaq imkanını seçə bilər.

 

 

 

Təqaüdün müddəti:

 

 

1. İndoneziya dili kursu və magistraturaya hazırlıq proqramı – maksimum -  12 ay
2. Magistr proqramı – 24 ay

 

Təqaüd əhatə edir:

1. 1,000,000 İndoneziya rupisi – Yerləşmə xərci (İndoneziyaya çatdığı müddətdən verilir)
2. 2,550,000 İndoneziya rupisi (aylıq) – İndoneziya Dil kursu və hazırlıq proqramı müddətində yaşama xərci
3. Aylıq xərclər aşağıdakı kimidir:

• Yaşama xərci – 2,550.000 İndoneziya rupisi
• Araşdırma xərci – 400,000 İndoneziya rupisi
• Kitablar üçün xərc – 350,000 İndoneziya Rupisi

4. Sağlamlıq sığortası – aylıq maksimum 200,000 İndoneziya Rupisi
5. Bir dəfəlik gediş-gəliş üçün beynəlxalq xərclər və universitetə yerli nəqliyyat xərci

 

Namizədlər müraciət prosesini göstərilən saytdan əldə edə bilər: www.knb.restekdikti.go.id. Elektron müraciət prosesi 30 aprel 2017-ci il tarixinə qədər tamamlanmalıdır və seçim nəticələri 2017-ci il iyun ayının birinci həftəsinə qədər elan olunacaq.