Xəbərlər

          Bakı Ali Neft Məktəbinin (BANM) Proseslərin avtomatlaşdırılması mühəndisliyi kafedrasının müəllimləri Tural Mustafazadə, Süleyman Süleymanzadə və Elman Kərimli Milli Aviasiya Akademiyasında (MAA) keçirilən “Gənclərin yaradıcı potensialı aviakosmik məsələlərin həllində” II elmi-praktik gənclər konfransında təqdimatla çıxış ediblər. Konfrans Təhsil Nazirliyi, “Azərbaycan Hava Yolları” QSC, Azərbaycan Mühəndislik Akademiyası və “Azərkosmos” ASC-nin təşkilatçılığı ilə keçirilib.

 

          BANM-in müəllimləri Tural Mustafazadə - “Naqilsiz şəbəkə sistemlərinin modelləşdirilməsi”, Süleyman Süleymanzadə - “Aeroportda seçilmiş yerlərin optimal keçidinin yerinə yetirən proqramın modul hazırlanması” və Elman Kərimli - “Empirik dekompozisiya olunmuş qeyri-xətti signalların emalı” mövzularında qeniş məruzələr ilə çıxış etdilər. BANM-in nümayəndələri tədbir iştirakçılarına bu sahədə öz tövsiyələrini verərək, onları maraqlandıran sualları cavablandırıblar.

 

          Qeyd edək ki, tədbirdə Azərbaycandan, Almaniyadan, İsveçrədən, ABŞ-dan, Niderland və Rusiyadan nümayəndələr iştirak ediblər. Üç günlük konfransın proqramına 8 bölmə üzrə mülki aviasiya və kosmik sahənin aktual problemlərinə həsr olunan 118 məruzə daxil edilərək, Azərbaycanın tanınmış alimlərinin iştirakı ilə ustad dərsləri, seminarlar və “dəyirmi masalar” keçirildi.