Xəbərlər

Rektor Elmar Qasımov Fidan Quliyevanı təbrik etdi

Bakı Ali Neft Məktəbinin (BANM) “Kimya mühəndisliyi” ixtisası üzrə təhsil alan 1-ci kurs tələbəsi Fidan Quliyeva British Council tərəfindən keçirilən IELTS imtahanında iştirak edərək ən yüksək nəticəni göstərib. Fidan Quliyeva 9 ballıq qiymətləndirmə şkalası üzrə 8.5 ballıq nəticəni əldə edib.

Bu xoş hadisə münasibətlə tələbə ilə görüşən Ali Məktəbin rektoru Elmar Qasımov onu səmimi qarşılayaraq ürəkdən təbrik edib. Rektor Fidan Quliyevanın əldə etdiyi nailiyyətilə qürur duyduğunu və bunda BANM-in müəllimlərinin böyük zəhməti keçdiyini qeyd edib.

Elmar Qasımov tələbəyə gələcək tədrisində uğurlar arzulayaraq onu həvəsləndirici hədiyyə ilə mükafatlandırıb.