Xəbərlər

Bakı Ali Neft Məktəbində əqli mülkiyyətlə bağlı seminar keçirilib

SOCAR-ın Bakı Ali Neft Məktəbində Əqli Mülkiyyət Agentliyinin iştirakı ilə Əqli mülkiyyət obyektlərinin ekspertizası və beynəlxalq patentləşdirmə prosedurlarına dair seminar təşkil olunub.

Tədbiri giriş sözü ilə BANM-in Rəhbərlik yanında aparatda elmi katibi, kimya elmləri doktoru İlhamə Zərbəliyeva açaraq əqli mülkiyyət sahəsinin akademik və praktiki əhəmiyyətindən danışıb.

Seminarda Əqli Mülkiyyət Agentliyinin tabeliyində fəaliyyət göstərən Patent və Əmtəə Nişanlarının Ekspertizası Mərkəzinin mütəxəssisləri - İxtira və faydalı modellərin ekspertizası şöbəsinin müdiri Sevinc Zeynalova,
İlkin ekspertiza və sənaye nümunələrinin ekspertizası şöbəsinin baş məsləhətçi-eksperti Könül Əmircanova, Kimya sektorunun aparıcı məsləhətçisi Sevinc Dünyamalıyeva çıxış edərək əqli mülkiyyətin qorunması, ekspertiza mərhələləri və beynəlxalq prosedurlar haqqında ətraflı məlumat veriblər.