Xəbərlər

Valideynlərimin ‘Oğlum Prezident təqaüdçüsüdür’ deməsi mənə qürur verir

Pərviz Səmədli: 694 bal

İxtisas: Kimya mühəndisliyi

Məzun olduğu məktəb: Beyləqan rayonu, Kəbirli kənd M.Fərzəliyev adına 1 nömrəli tam orta məktəbi fərqlənmə attestatı ilə bitirib

Prezident təqaüdçüsü olmaq böyük bir şərəf və məsuliyyətdir. Bu mükafatın mənə verdiyi imkanlarla ailəmə əlavə yük olmamaq, həm də daha yaxşı təhsil imkanları əldə etməyi düşünürəm. Onların "Oğlum Prezident təqaüdçüsüdür" deməsi mənə qürur verir. Uşaqlıqdan etibarən mənə çox zəhmətkeş bir həyat tərzi öyrədiblər.

BANM ilə ilk dəfə atam tanış etmişdi. Sonra özüm də araşdırmağa başladım və gördüm ki, burada tələbələrə necə diqqət göstərilir, onları necə dəstəklənir. Bu, mənim qərarımı bir daha möhkəmləndirdi. Məqsədim yaxşı təhsil almaqla yanaşı, peşəkar mütəxəssis olmaqdır.

Kimya mühəndisliyi sahəsində dərin biliklərə sahib olmaq istəyirəm və təhsil ilə yanaşı, sosial fəaliyyətlərə qoşulmaq da böyük əhəmiyyət daşıyır. Fikrimcə, sosial inkişaf da insanın peşəkar uğurlarına təkan verir. Gələcəkdə bu istiqamətdə çoxlu uğurlar əldə edəcəyimi ümid edirəm və BANM-ın təklif etdiyi mühitin buna böyük dəstək olacağına inanıram.