Xəbərlər
Etik mükəmməlliyin təşviqi: BANM 2022 və 2023 illər ərzində kompleks təlim proqramları həyata keçirib
Bakı Ali Neft Məktəbi (BANM) 2022 və 2023-cü illər üzrə davamlılığın sosial aspektlərinə fokuslanan təsirli təlim proqramları silsiləsinin başa çatdığını elan etməkdən məmnundur. Bu proqramlar sosial bərabərlik, cəmiyyətin rifahı və inklüziv inkişafı prioritetləşdirən davamlı təcrübələrin başa düşülməsini və həyata keçirilməsini dərinləşdirmək üçün nəzərdə tutulub.
İcma işi və sosial məsuliyyət
Bu təlim yerli icmalarla əlaqə saxlamağın və sosial məsuliyyət hissinin aşılanmasının vacibliyini vurğulayıb. İştirakçılar icma inkişafı, əməkdaşlıq və yerli təşəbbüsləri dəstəkləmək üçün strategiyaları öyrəniblər.
Davamlı inkişaf məqsədləri haqqında məlumatlılıq
Təlimdə Birləşmiş Millətlər Təşkilatının Dayanıqlı İnkişaf Məqsədləri ilə bağlı hərtərəfli informasiyalar təqdim edilib. Sosial məsuliyyətli təcrübələr vasitəsilə fərdlərin və qurumların bu qlobal məqsədlərə nail olmaq üçün necə töhfə verə diqqət biləcəyinə yönəldilib.
İnsan hüquqları və sosial ədalət
İştirakçılar cəmiyyət daxilində ədaləti, bərabərliyi və fərdi hüquqların müdafiəsini təşviq edən siyasətləri həyata keçirmək yollarını öyrənərək insan hüquqlarının və sosial ədalətin əsas prinsiplərini araşdırıblar.
Sosial davamlılıqda etik liderlik
Bu sessiya etik mülahizələri və sosial davamlılığı vurğulayan liderlik bacarıqlarının inkişafına yönəldilib. İştirakçılar sosial bərabərlik və cəmiyyətin rifahını dəstəkləyən təşəbbüslərə necə rəhbərlik etməyi öyrəniblər.
Dayanıqlı inkişafda sağlamlıq və rifah
Təlimdə psixi sağlamlıq haqqında məlumatlandırma, iş yerində sağlamlıq proqramları və ümumi rifahı təşviq edən dəstəkləyici mühitlərin yaradılması kimi mövzular müzakirə edilib.
Sosial sahibkarlıq və innovasiya
İştirakçılar sosial sahibkarlıq konsepsiyası ilə tanış olub, sosial problemləri həll edən və cəmiyyətin davamlı inkişafına töhfə verən innovativ layihələrin hazırlanması və həyata keçirilməsi yollarını öyrəniblər. Bu təlim proqramları BANM-in davamlılığın sosial ölçülərini bizim təhsil çərçivəmizə və ictimaiyyətlə əlaqə yaratmaq səylərinə inteqrasiya etmək öhdəliyini əks etdirir. Bu aspektləri prioritetləşdirməklə, biz daha əhatəli, ədalətli və davamlı gələcəyə töhfə verməyi hədəfləyirik.
