Xəbərlər

Doktoranturada təhsil almaq istəyənlərin nəzərinə!

Bakı Ali Neft Məktəbinin Doktorantura səviyyəsində təhsil almaq arzusundasınızsa, biz 3 istiqamət üzrə tədris həyata keçiririk:

 - Neft və qaz yataqlarının işlənməsi və istismarı üzrə fəlsəfə doktoru

 - Kimya texnologiyası və mühəndisliyi üzrə fəlsəfə doktoru

- Sistemli analiz, idarəetmə və informasiyanın işlənməsi üzrə fəlsəfə doktoru

 Bu istiqamətlərdən biri üzrə təhsil almaq istəyirsinizsə, o zaman aşağıdakı sənədləri təqdim etməyə tələsin.

 • ərizə (rektorun adına);

• şəxsiyyəti təsdiq edən sənədin surəti.

• tərcümeyi-hal;

• 2 ədəd fotoşəkil (3x4 sm ölçüdə);

• kadrların şəxsi-qeydiyyat vərəqi (möhürlü);

• iş yerindən xasiyyətnamə (möhürlü);

• iş stajı olanlar üçün əmək kitabçasından çıxarış;

• çap olunmuş elmi işlərin siyahısı (möhürlü) və ya seçilmiş ixtisas üzrə referat;

• ali təhsil müəssisəsini bitirmək haqqında diplomun (və diploma əlavənin) müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);

Sizi Bakı Ali Neft Məktəbinin doktorantı kimi görməkdən şad olarıq!