Xəbərlər
Bakı Ali Neft Məktəbinin Kəşfiyyatçı geofiziklər klubu "AzLAB"a tur təşkil edib
Bakı Ali Neft Məktəbinin (BANM) Kəşfiyyatçı geofiziklər klubu (SEG BHOS) "AzLAB" Kəşfiyyat və Tədqiqat Mərkəzinə tur təşkil edib. Turda müxtəlif universitetlərdən geologiya, ekologiya, neft-qaz mühəndisliyi ixtisaslarda təhsil alan tələbələr iştirak edib. Onlar tədqiqat mərkəzi və burada aparılan proseslərlə yaxından tanış olublar.
"AzLAB" Kəşfiyyat və Tədqiqat Mərkəzi tədqiqat dairəsinə görə regionun ən böyük mərkəzlərindən biridir. Hazırda burada bp, Statoil, Total, Lukoil, EXXON kimi şirkətlərlə, eləcə də Gürcüstan, Türkmənistan, Qazaxıstan, Özbəkistan və Ukraynada fəaliyyət göstərən bir çox şirkətlə əməkdaşlıq edərək tədqiqat işləri həyata keçirir.