Xəbərlər

Bakı Ali Neft Məktəbinin tələbələri Hərbi Qənimətlər Parkında

Bakı Ali Neft Məktəbinin (BANM) Rektorluğunun təşəbbüsü ilə Zəfər Gününə həsr edilmiş tədbirlər planı çərçivəsində Ali Məktəbin 1-ci kurs tələbələrinin Hərbi Qənimətlər Parkına səfərləri təşkil edilib.

Məqsəd ölkənin intellektual gələcəyi olan tələbələri Vətən müharibəsi ərzində qəhrəman Ordumuzun keçdiyi ağır döyüş yolu, hərbi əməliyyatların gedişatı və tarixi qalibiyyətimizin nəticələri ilə tanış etməkdir.

Tələbələr Hərbi Qənimətlər Parkında Azərbaycanın ərazi bütövlüyünün bərpası uğrunda 44 gün davam edən Vətən müharibəsi zamanı şanlı Azərbaycan Ordusunun işğalçı Ermənistanı döyüş meydanında məğlub etməsi nəticəsində düşməndən ələ keçirdiyi hərbi qənimətlərin müəyyən hissəsi ilə tanış olublar. Ermənistan ordusu tərəfindən qurulmuş müdafiə sədləri isə tələbələrdə müharibə haqqında aydın təsəvvür yaradıb.

#BANM #BHOS #HərbiQənimətlərParkı #ZəfərGünü #VətənMüharibəsi