Xəbərlər

Bakı Ali Neft Məktəbinin bp-nin təqaüdünə layiq görülən tələbələri

Bakı Ali Neft Məktəbinin (BANM) Neft-qaz mühəndisliyi ixtisasının 4-cü kurs tələbələri Gülüstan Kərimova, Zümrüd Paşazadə, Ayşən Qurbanova və Proseslərin avtomatlaşdırılması mühəndisliyi ixtisasının 4-cü kurs tələbələri Sevinc Həsənzadə və Elnarə Həsənova bp şirkətinin “Gələcəyin istedadlı qadınları” təqaüd (Future Female Talent Scholarsip) proqramına qəbul olunublar. Onlar bu proqramın birdəfəlik təqaüdünü qazanıblar. Beynəlxalq proqram Amerika, İngiltərə, Sinqapur və Azərbaycanda həyata keçirilir.

Üç ay davam edən layihə müddətində BANM tələbələri bp-nin müəssisələrində olub, praktiki fəaliyyətlər həyata keçirib, peşəkar mühəndislərlə görüşüblər. Proqramı uğurla başa vuran tələbələr sonda təhsil və əlavə fəaliyyətlərə dəstək üçün təqaüd ilə təltif ediliblər. Təqaüdün verilməsində məqsəd qadınların gələcək təhsil və əlavə fəaliyyətlərinə yatırım etməkdir.

Xatırladaq ki, ümumilikdə bu təqaüdü BANM-in 7 tələbəsi qazanıb.

Tələbələrimizi təbrik edir və uğurlar arzulayırıq

#BANM #BHOS #bp #FutureFemaleTalentScholarsip