Xəbərlər

Bakı Ali Neft Məktəbinin (BANM) Tələbə Gənclər Təşkilatının təşkilatçılığı ilə Baker Hughes şirkətinin Quyuların tamamlanması üzrə baş mühəndisi Pərviz Həsənov Ali Məktəbin tələbələri üçün "Xarici Neft Servis Şirkətlərində Sən" adlı seminar keçirib.

 

Seminarda Pərviz Həsənov CV-lərin düzgün formatda yazılması, gənclərin işə qəbul zamanı müsahibələrdə qarşılaşdıqları problemlərin aradan qaldırılması, xarici neft servis şirkətlərində işləyən neft mühəndisinin həyatı, çətinlikləri, uğurları, bu uğura gedən yolda atılmalı olan addımlar haqqında öz fikirlərini tələbələrlə bölüşüb və onların bu mövzular haqda suallarını cavablandırıb.

 

Qeyd edək ki, seminar tələbələr tərəfindən böyük maraqla qarşılanıb.