Xəbərlər

Bakı Ali Neft Məktəbinin (BANM) “Proseslərin avtomatlaşdırılması mühəndisliyi” ixtisasının II kursunda təhsil alan 18 tələbəsi Nəzarət Ölçü Cihazları və Avtomatika (NÖC) şirkətində istehsalat təcrübəsi keçirlər.

 

Tələbələr əldə etdikləri nəzəri bilikləri NÖC şirkətinin istehsalat emalatxanalarında dərinləşdirirlər. NÖC şirkətinin mütəxəssisləri tərəfindən tələbələrə istehsalatda tətbiq olunan yeniliklər, cihazlar və avtomatik idarəetmə sistemləri haqqında biliklər verilir. Tələbələr sənayedə istifadə olunan müxtəlif qurğular, cihazlar və onların iş prinsipləri, təyinat və tətbiq istiqamətləri ilə tanış olaraq, mütəxəssislərin müşayiəti ilə şirkətdə gedən iş proseslərində yaxından iştirak edirlər.

 

Xatırladaq ki, BANM-in “Proseslərin avtomatlaşdırılması mühəndisliyi” ixtisası üzrə təhsil alan II kurs tələbələri 1 iyul-15 avqust tarixlərində, ümumilikdə NÖC şirkəti daxil olmaqla 5 şirkətdə - Emerson Process Management, Schneider Electric, AVANDSIS GROUP, Atenau LTD şirkətlərində istehsalat təcrübəsi keçirlər. Bununla yanaşı, BANM-in “Neft-qaz mühəndisliy” və “Kimya mühəndisliyi”ixtisası üzrə təhsil alan tələbələri SOCAR, SOCAR UPSTREAM Management, BP, Halliburton və digər transmilli beynəlxalq şirkətlərdə yay istehsalat təcrübələrinə davam edirlər.