Xəbərlər

           Bakı Ali Neft Məktəbinin Proseslərin avtomatlaşdırılması mühəndisliyi ixtisası üzrə təhsil alan II kurs tələbələri Emerson Process Management və Schneider Electric şirkətində istehsalat təcrübəsi keçirlər. Yay istehsalat təcrübəsi iyulun 1-dən avqust ayının 15-dək davam edəcək. Tələbələr əldə etdikləri nəzəri bilikləri Emerson Process Management şirkətində proseslərin avtomatlaşdırılması laboratoriyasında dərinləşdirir, təcrübədə təkmilləşdirirlər  Tələbələr, o cümlədən, təcrübə müddətində Schneider Electric şirkətində sənayedə istifadə olunan müxtəlif qurğularla tanış olurlar, enerji effektivliyinin əldə olunması yollarını mənimsəyirlər.

                  Qeyd edək ki, BANM-in Proseslərin avtomatlaşdırılması mühəndisliyi ixtisası üzrə II kursda təhsil alan 18 tələbəsi 1 iyul-15 avqust tarixlərində, ümumilikdə 5 şirkətdə - Emerson Process Management, Schneider Electric, AVANDSIS GROUP ve Atenau LTD, NÖC  ( Nəzarət Ölçü Cihazları və Avtomatika MMC)  şirkətlərində təcrübədə olacaqlar.

                  Bununla yanaşı, BANM-in Neft-qaz mühəndisliyi və Kimya mühəndisliyi ixtisası üzrə təhsil alan tələbələri bp, SOCAR, Baker Hughes, Halliburton və digər transmilli beynəlxalq şirkətlərdə  yay istehsalat təcrübəsi keçirlər.