Xəbərlər

       Qazma Podratçıları Beynəlxalq Assosiasiyasının (International Association of Drilling Contractors - IADC) prezidenti Jason McFarland Bakıda səfərdə olarkən Bakı Ali Neft Məktəbində olub. Ali Məktəbin rəhbərliyi və tələbələrilə görüşdən sonra cənab McFarland rəhbərlik etdiyi nümayəndə heyəti ilə birgə BANM-da Tələbə Gənclər Təşkilatının dəstəyilə Ali Məktəbin yuxarı kurs tələbələri arasında keçirilən basketbol çempionatını izləyib.

 

      Qeyd edək ki, BANM-da start verilən basketbol çempionatına tələbələrdən ibarət 10 komanda qoşulub. İlk oyunda “Panorama Bulls” komandası “BHOSton Celtics” komandasına qalib gəlib. Yarış maraqlı anlarıyla yadda qalıb.

 

     “Mən Bakı Ali Neft Məktəbinə, xüsusilə rektor Elmar Qasımova IADC-yə olan qonaqpərvərliyi və Ali Məktəbin gözəl düşünülmüş infrastrukturu ilə tanış olmaq üçün maraqlı tur üçün təşəkkür edirəm. Bakı Ali Neft Məktəbinin tələbələri Azərbaycanda ən parlaq və enerjili gənclərdir. Bununla belə, bu tələbələr hər gün öyrənmək və öz təhsillərini real dünya ssenarilərində tətbiq etmək üçün böyük səy göstərirlər. Məhz bu yanaşma onlar üçün gələcəkdə bu sənayedə ilk karyeralarına başladıqları zaman  əvəzolunmaz təcrübə olacaq.” – deyə IADC prezidenti cənab Jason McFarland BANM tələbələri haqqında öz fikirlərini bildirib.