Xəbərlər

        Bakı Ali Neft Məktəbinin rektoru Elmar Qasımov Ali Məktəbin “Neft-qaz mühəndisliyi” və “Kimya mühəndisliyi” ixtisasında təhsil alan ikinci və üçüncü kurs tələbələrilə görüşüb. Görüşün əsas məqsədi Ali Məktəbdə  təlim-tədris prosesi və tələbələrin qarşısına çıxan çətinlikləri müzakirə etmək, araşdırma və birgə həlli yollarını təklif etməkdən ibarət olub. Bu istiqamətdə görüş zamanı tələbələrlə rektor arasında  arasında müzakirələr edilib.

 

      Görüşdə Ali Məktəbin Malayziyanın Petronas şirkətinin təqaüdünü qazanmış tələbələr – Elnur Şahbalayev, Əli Yusifov və onların valideynləri də iştirak ediblər. Rektor Malayziyada təhsilini davam etdirəcək iki tələbənin timsalında bütün BANM tələbələrini öz təhsil və karyeraları uğrunda yeni addımlar atmağa, sosial olmağa və özünü təkmilləşdirməyə səsləyib.

 

    Görüşün sonunda rektor  tələbələrin təklif və şikayətləri üçün nəzərdə tutulmuş “Təkliflər qutusu” nu açaraq tələbələri narahat edən məqamlar və təklifləri səsləndirib, qeyd olunan məsələlərin öz həllini tapacağını bildirib.