• Mühəndislik fakültəsinin dekanı

    Əmək funksiyası:

    Fakültədə tədris, təlim-tərbiyə və elmi işlərə, təhsil proqramlarının və tədris planlarının yerinə yetirilməsinə bilavasitə rəhbərlik edir və onların icrasına görə cavabdehlik daşıyır; Fakültənin Elmi Şurasına sədrlik edir, Şuranın fəaliyyətini planlaşdırır, təşkil edir, qəbul edilən qərarların icrasına nəzarəti həyata keçirir; Fakültədə dərs və imtahan cədvəllərinin tərtibinə rəhbərlik edir, dərslərin və imtahanların bu cədvəllərə müvafiq olaraq keçirilməsinə, semestrlər ərzində aralıq və imtahan sessiyalarında yekun imtahanların, dövlət imtahanlarının gedişinə, buraxılış işlərinin müdafiəsinə nəzarəti həyata keçirir; Tələbələrin buraxılış imtahanlarına və buraxılış işlərinin müdafiəsinə buraxılması işinin təşkilinə bilavasitə cavabdehdir; Kafedraların professor-müəllim heyətinin peşəkarlığını qiymətləndirmək, onların fəaliyyətinin səmərəsini artırmaq məqsədilə açıq dərslər, nümunəvi mühazirələr, sorğular keçirir, müzakirələr təşkil edir; Mövcud qaydalara əsaslanaraq tələbələrə təqaüdlərin təyin edilməsi üçün təkliflər verir;Fakültənin strukturuna daxil olan kafedralarda dərs yükünün hesablanmasına və professor-müəllim heyəti arasında paylanmasına nəzarət edir; Fakültədə magistrantların, doktorantların və dissertantların təhsilinin təşkilinə rəhbərlik edir; Fakültənin Elmi Şurasında pedaqoji və elmi vəzifələrə seçkilərin obyektiv və şəffaf keçirilməsi üçün tam məsuliyyət daşıyır; Fakültənin strukturuna daxil olan kafedralar tərəfindən tədris olunan fənlərin proqramlarının, tədris materiallarının (dərsliklərin, dərs vəsaitlərinin, tədris-metodiki işlərin və s.) hazırlanmasını və tədris prosesində tətbiq olunmasını təşkil edir;Fakültənin professor-müəllim heyətinin ixtisaslarının artırılması üzrə plan və qrafiki tərtib edir, bu sənədlər əsasında əməkdaşların kurslara cəlb edilməsini, kurslarda təlim keçmiş əməkdaşların hesabatlarının müzakirəsini, onların kurslarda əldə etdikləri bilik və təcrübənin fakültədə tədris prosesinə tətbiq edilməsini təşkil edir; Fakültədə və kafedralarda elmi və elmi-metodiki konfransları, elmi seminarları təşkil edir, fakültənin fəaliyyət istiqamətlərinə aid elmi forumların (konfransların, simpoziumların) təşkilində və keçirilməsində bilavasitə iştirak edir; Fakültənin tələbələrinin və əməkdaşlarının elmi fəaliyyətə cəlb olunması, əməkdaşlar tərəfindən elmi-metodiki işlərinin hazırlanması, nəşri və tədrisdə tətbiqi üçün şərait yaradır; Fakültə tələbələri və əməkdaşları üçün həvəsləndirici tədbirlərlə və yaxud yol verilmiş pozuntulara görə tənbehlərlə bağlı təkliflər verir; Fakültənin fəaliyyətinin inkişafı ilə bağlı rektora və BANM-in Elmi Şurasına təkliflər verir; Fakültədə tədris prosesinin istehsalatla əlaqəsini genişləndirmək və dərinləşdirmək istiqamətində tədbirlər həyata keçirir, tələbələrin müəssisələrdə istehsalat təcrübəsinin planlaşdırılmasına, təşkilinə, təcrübə haqqında hesabatların müzakirə edilərək qiymətləndirilməsinə rəhbərlik edir; Xarici əlaqələri təşkil etmək məqsədilə təkliflər verir, bu işləri planlaşdırır və təşkil edir; Əməyin mühafizəsi, təhlükəsizlik texnikası, istehsalat sanitariyası və yanğından mühafizə tələblərinə riayət edir; Əmək və daxili intizam qaydalarının gücləndirilməsi istiqamətində görülən tədbirlərdə iştirak edir.

     

    Bilməlidir:

    Təhsil haqqında” Azərbaycan Respublikasının Qanununu; Azərbaycan Respublikası Təhsil Nazirliyinin təhsil və elmi fəaliyyətlə bağlı qərar, əmr, sərəncam və normativ aktlarını, təhsil sahəsi ilə bağlı qüvvədə olan digər qanunvericilik aktlarını; Ali məktəbin pedaqogikasının psixologiyasının əsaslarını; Tədris-tərbiyə sahəsində ölkədə və xaricdə qazanılmış son nailiyyətləri; Əməyin təşkilinin əsaslarını, daxili intizam qaydalarını, əməyin mühafizəsi, texniki təhlükəsizlik qaydalarını, istehsalat sanitariyası və yanğından mühafizənin norma və qaydalarını, mülki müdafiə qaydalarını; İşgüzar ünsiyyət və peşə etiketi qaydalarını.

     

    İxtisas tələbləri

    Fakültənin profilinə uyğun, elmi ad və elmi dərəcəyə, ən azı 5 il elmi-pedaqoji təcrübəyə malik Azərbaycan Respublikasının vətəndaşları,həmçinin xarici ölkə vətəndaşları iştirak edə bilərlər.

     

    Əlavə tələblər

    Azərbaycan və ingilis dillərini sərbəst bilməli; rus dili biliyi arzu olunandı.

     

    Müraciət etmə qaydaları:

    Müsabiqədə iştirak etmək istəyən şəxslər  27 sentyabr 2022-ci il tarixinədək sabina.huseynova@socar.az ünvanına  CV-lər, əmək kitabçasından çıxarış, ali təhsil, elmi dərəcə və elmi ad haqqında sənədlərin surətlərini, elmi və elmi-metodik işlərin siyahısını, şəxsiyyət vəsiqəsinin surətini, kafedranın inkişafı ilə bağlı platformasını təqdim etməlidirlər. Məlumat üçün onu da bildiririk ki, BANM-də  çalışan şəxslər yalnız elmi və elmi-metodiki işlərin siyahısını, kafedranın inkişafı ilə bağlı platformasını təqdim etməlidirlər. Əlavə məlumat almaq üçün (012) 521-33-57 nömrəli telefonla əlaqə saxlaya bilərlər.

    Diqqət:  Bu vəzifənin tələblərinə uyğun olmayan, yuxarıda qeyd olunan qaydalara riayət etməyən və müəyyən olunmuş son tarixdən geс müraciət edən şəxslərin namizədliyinə baxılmayacaq.

    Faylı buraya əlavə edin

    Dəstəklənən fayl növləri: pdf. Maksimum fayl ölçüsü: 1MB